雲川 米線．紅薯粉 (富麗大廈)

营业中

休息中

早就聽聞雲川質素下降，之前試過第二間分店，第一次黎呢間分店食，係有啲失望。叫左金湯酸辣米線配3餸：豬頸肉、牛展同韮菜雲吞。先講湯底薑味太重，唔太符合個人口味。跟住係點評3個餸，豬頸肉調味ok, 但食豬頸肉係食佢既爽口質感，我食到既肉質帶梅、唔爽口，作為舖頭招牌係令人失望，成碗粉最好食既係牛展，夠入味，口感軟腍，韮菜雲吞啖啖肉都係食得過。米線口感軟硬適中但唔算特別好食。份量黎講係合理，豬頸肉有好多條，不過唔好食，整體黎講味道普通，難怪依家lunch time 都冇人排隊，可以直入。