鄧媽媽過橋水餃 (已結業)

今日突然夜晚有D野做要去葵芳，晚饭都系度搞掂。同妈咪两个人，谂左好耐食咩，但其实又唔系好肚饿。咁啱见到邓妈妈水饺，我同妈咪对呢个名好熟悉，因为佢不停系新城电台卖广告//// 所以我地成日都听到呢间野....... 咁难得见到就入去食下啦。环境当然唔宽敞，几迫下，系自助形式出去买票。价钱唔算贵，我地叫左 5 只椰菜饺同埋一碗蚝仔肉碎饭。碗饭黎到叫佢俾两只碗我，两只碗系正常，但竟然系跟两只胶羹.... omg! 仲要系用即弃筷子.... 唉... 点解要咁做呀？？？算啦〝都要食架啦。蚝仔肉碎饭d蚝仔成日食到沙同壳，而且几细只，但味道系ok的，挺鲜咩。仲有其他料，如冬菇，花生，菜，肉碎等，不过冬菇超级咸，其他正常。份量唔算细，食完都觉得刚刚好。不过佢有D饭会黏在一起，似乎做得不够细致。椰菜水饺 5 只 $15，味道很淡，旁边有黑醋提供。皮唔算好厚，肉馅算鲜甜，吃下去是很清的感觉。埋单 $ 45，偶一为之没问题，但如果可以更环保一点就好了。