魚米 (已結業)

我第一次去香港仔呢间鱼米食嘢，念住叫个外卖，18:40等前面果位比外卖钱，但个收银一路慢慢嚟，一路自己有自讲，个客问嘢，佢就只系望住个萤幕细细声讲，我等左5分钟，到我order，问佢叫蒸鱼餐会包咩，佢又系望住萤幕细声自己讲，完全无理我，我根本听唔倒佢讲乜，跟住收钱收多我1蚊又唔讲，等几耐又唔讲，唔好话多谢，攞左你钱就走左去！我都预左15分钟后返去，入左去坐低等，个个员工都系苦口苦面。我等左阵，尝试问第二个员工，点知仲惨，我系"请问"要等几耐，佢竟然答我：自己响屋企蒸鱼都知啦，乌头系蒸得耐㗎啦！⋯⋯一样无望过我！间鱼米有三个员工，第三个员工仲奇怪，每一次有外卖出，都会走嚟问系咪我，第一次，我答左佢话佢知几多号外卖唔系我，佢唔信我，第二次又嚟，佢又唔信重复问我仲啤住我，之后再嚟第三次又问我三四次：110㖞！？110㖞！点解我要呃你呢？究竟我做错咩，嚟帮衬要受你地气呢？有咁既待遇呢？一个晚餐，一条鱼一个白饭59蚊就乜都无，又唔系特别平！千祈咪去呀！