蒲田日本料理 (已結業)

呢间日本料理由我第一日系湾仔返工已经有，不过今次系三年黎第一次食。本身其实想食返佢隔离既鱼鲜生，但系佢执左，所以就试左呢间。入到去个环境好黑，不过佢啲灯几有日本feel，几特别。加拿大海胆同三文鱼腩刺身，海胆有少少沙，不过都几鲜甜。而三文鱼腩刺身都几肥美，不错。牛肉乌冬，汤底无乜味，乌冬煮得太腍，普通牛肉，无乜特别。鸡泡鱼干又系无乜特别，唔系太好食。烧猪颈肉，无乜味同埋个猪颈肉唔太新鲜。天妇罗拉面，都系好普通。天妇罗炸得多油左少少，拉面汤底就普通猪骨汤，拉面硬度煮得几好。鳗鱼卷，个汁都几好既，不过又系唔算好好食。剑鱼腩寿司、帆立贝寿、甜虾寿司，呢三款都几鲜甜既，但系又唔系好好味，可能因为雪得过冻。火炙三文鱼寿司，呢个食落反而几好食，好肥美，少少入口即溶咁既感觉。火炙左口鱼边寿司，呢个好味！入口即溶，好香甜。马粪军舰，比起加拿大海胆更香甜。