七福神和食亭

营业中

休息中

七福神和食亭真系一间拍得住喺日本食嘅日本餐厅，佢嘅刺身简直系好似喺日本鱼市场新鲜整出黎咁喺香港，用哩个价钱就可以食到日本咁新鲜系超值，刺身虾系XXL size, 鲜甜度又系爆灯，咬落清新爽口，又处理得非常干净！三文鱼油香满溢，新鲜十足，仲要好厚身。只售118蚊嘅蚝之土手锅真系超级高质，新鲜到极，果种鲜甜系去到齿夹留香嘅程度，好似即开新鲜生蚝咁鲜甜。要衬佢刚刚好熟就食，唔系会缩水同冇咁甜。叫左呢个锅仲有好足够嘅蔬菜食。但我都系叫左碟豚肉炒野菜，肉片好薄唔肥，炒得香到爆，唔钟意食菜嘅朋友都赞好！另外必点系佢地嘅东山寿司拼盘，338蚊有成24件好抵食，大大大满足，摆盘好有开party的感觉，饭好松软而有饭香，寿司上的刺身又极新鲜同厚切。其实呢餐饭真系好似喺日本食，有啲食左就系赚左嘅感觉，悭返程日本机票都食到咁高质！掂呀！呢度仲有好多甜品，不过我食得太饱，只你叫个雪糕食下就算，下次再试埋其他特色甜品同梳打。