一品螞蟻 (已結業)

今日去中环完成特别任务后，唯有独自去偷食。贡下贡下黎到呢间一品蚂蚁，入到黎安排我坐四人位同另一位女食客打对角坐，睇睇个餐牌见到冇骨海南鸡，当然要试试佢。海南鸡有三种酱汁，分别系黑豉油、辣酱同埋姜蓉，特别喜欢佢地黑豉油甜甜地又够香。鸡的份量算多，切成条状易入口，鸡肉嫩滑，鸡皮同肉非常紧密，冇砌到散晒，连皮食真系一流。注：最怕海南鸡砌到散收收，一夹就散，呢方面一品蚂蚁做得非常好！碗油饭油而不腻，比较干身，所以配碗清汤过你湿下喉咙，配搭得宜！巧合的是打对角的女食客同样是一个人，同样是点了无骨海南鸡，但女食客全去鸡皮，实在有点浪费，何不及时行乐食左再算呢？