Thai-ger (已搬遷) 新店位置

星期六放工去D2 place睇下有咩食，上电梯行前少少见到门口Menu有船面就决定食呢间，喺出面收银落完单就揾位坐低。餐厅开放式，舖面唔大，枱与枱之间距离较近，一直keep 住好多人食。泰式船面 （金边粉）船面有牛腩、肥牛、香叶同炸猪皮，汤底好深色睇落几正，点知一食落去估唔到咁鬼辣🔥🥵 我本身唔太食得辣，呢只辣度对我嚟讲over晒，唯有全程将金边粉同牛隔晒汤食埋去。炸猪皮卜卜脆几好食，但索晒汤个啲太辣唯有放弃，牛腩份量都唔少，大大旧腍身唔痴牙 *餐牌应该整个🌶 提醒下人 辣完要饮下冻嘢舒缓番个嘴，冻柠茶茶味挺浓，甜度适中。餐厅用外卖胶杯我可以埋单拎走慢慢饮，加上杯身本身好硬净，拎返屋企洗一洗就可以用黎种下水种植物。