香滑咖喱屋 (已結業)

今日同同事食饭，同事话想食辣，于是就黎左食咖哩。🍛经过走廊入到餐厅，间餐厅比想像中大，座位多，有2楼，因此完全唔使等位。👍👍感觉有啲似茶餐厅，当然要搭枱啦。😤其实自己本身唔系好食得辣野，少少辣系食到嘅，例如麦当当嘅脆香鸡翼(好啦，其实呢样唔算辣野🙊)。今次去食咖哩其实系抟佢唔会好辣。叫左个鸡翼咖哩，🐥而同事就叫左个羊肉咖哩。🐑自己同同事都有试过个咖哩，认为两个系一样味，所以应该系咖哩同肉分开煮，之后先放埋一齐。呢一点有小失望。咖哩分大🌶🌶🌶、中🌶🌶、小辣🌶。我当然系叫左小辣🌶啦。落左单之后好快上菜。个小辣都系好辣，辣到我咩味都食唔到，净系食到辣味，个嘴唇好似肿左咁💋。质地比较稀。而我同事就话其实几好食。个薄饼真系好薄，如果厚啲会较好🙈🙈好彩一开始有叫左杯冻菜蜜，可以解一解辣。饮品+$8，叫左少冰都仲系好多冰❄️❄️另外仲送左一个青菜。个青菜好好食！好甜！重点系解辣！食完咖哩食佢，就好似沙漠中嘅清泉。😋😋今餐盛惠$63，感觉偏贵。作为一个唔食辣嘅人，如无必要，唔会再黎。