影片
更多
2019-06-14
447 浏览
四川嘢常俾人好辣嘅感觉，近几年越开越多，证明港人越嚟越食得辣，但唔食得辣就永远食唔到？又唔系，有舖头越做越辣嘅同时，亦有舖头越做越唔辣。到底越嚟越食得辣嘅人多，定做唔食得辣嘅市场聪明？依间舖以前去葵芳我一定去食，但至从荃湾开咗，都唔知几耐无过去。一向都食小辣，始终立食成身汗都几辛苦，荃湾之前已分享过，但无特别评论，第一次食已觉唔辣，叫过中辣，佢知你唔够辣，过次又做到好辣，搞到我一段时间唔敢叫。直到依次，有位女士叫小辣，隔离男士即刻话要大辣先真，仲同女士讲依间唔辣架！不经意间我看了他一段时间，直到被回望。真系唔辣？那我都试多次中辣！凉拌粉皮，青瓜、豆干，再加上烤到干脆嘅黄豆，同辣而滑溜嘅粉皮非常格，够吸味！觉无肉可以加鸡丝。粉皮同肠粉囗感其实好似，更似河粉？但河粉似乎更油，而肠粉就无几间有梗滑，而调味感觉亦无梗邪恶。刚开始经常卖哂，之后大都食返凉面，份量都差几多，始终饱肚系主食嘅重点，亦唔建议太辣。凉拌土豆丝，即系薯仔丝，经常俾我当主食，都大盒，丝丝嘅薯仔加上辣汁，有口感之余亦够上味！但唔算吸味，中辣一开始唔觉，之后慢慢辣起，唔算太劲，保持口腔都有辣味，都食到，试过叫小辣同中辣之间佢都无
到底越嚟越食得辣嘅人多，定做唔食得辣嘅市场聪明？依间舖以前去葵芳我一定去食，但至从荃湾开咗，都唔知几耐无过去。一向都食小辣，始终立食成身汗都几辛苦，荃湾之前已分享过，但无特别评论，第一次食已觉唔辣，叫过中辣，佢知你唔够辣，过次又做到好辣，搞到我一段时间唔敢叫。直到依次，有位女士叫小辣，隔离男士即刻话要大辣先真，仲同女士讲依间唔辣架！不经意间我看了他一段时间，直到被回望。真系唔辣？那我都试多次中辣！
凉拌粉皮，青瓜、豆干，再加上烤到干脆嘅黄豆，同辣而滑溜嘅粉皮非常格，够吸味！觉无肉可以加鸡丝。粉皮同肠粉囗感其实好似，更似河粉？但河粉似乎更油，而肠粉就无几间有梗滑，而调味感觉亦无梗邪恶。刚开始经常卖哂，之后大都食返凉面，份量都差几多，始终饱肚系主食嘅重点，亦唔建议太辣。
凉拌土豆丝，即系薯仔丝，经常俾我当主食，都大盒，丝丝嘅薯仔加上辣汁，有口感之余亦够上味！但唔算吸味，中辣一开始唔觉，之后慢慢辣起，唔算太劲，保持口腔都有辣味，都食到，试过叫小辣同中辣之间佢都无出声，又唔觉比小辣辣几多，其实佢可能都系随便调。
凉拌木耳，份量明显较少，本身又占空间，真系几啖就无，爽口同清新，中辣都无咩感觉，难怪过位男士要大辣。
凉面、凉拌青瓜、口水鸡，麻辣烫都食过，就以上几款比较推荐，辣度同之前食过嘅比真系BB级都未到，虽然香港湿度高，食辣有助排湿，但食得多都上火，天气又热，屋企有人唔食得辣，买依间加𩠌相信都无嘢讲。
张贴
