深井陳記燒鵝茶餐廳 (已結業)

临到食晏之际，老板突然话佢饭后要开会，叫我地帮手买饭俾佢，最紧要快。仲话请埋我地食Lunch，佢万岁㖞~ 最快就梗系食烧味啦，于是去左深井陈记烧鹅。虽然呢度出名烧鹅，但自己对烧鹅，烧肉都比较一般，于是叫左叉烧。蜜汁叉烧煎蛋饭 $54 + 冻檬茶 $10叉烧有9块，虽然有啲都好细件，但都算厚切。叉烧烧得好淋，边边有微微焦香同甜甜嘅蜜汁味。煎蛋啱啱好，蛋黄做到未熟。唯一决点系个饭无汁，自己本身偏爱有汁饭，唯有笃穿个蛋黄捞饭。