九頭鳥米線

营业中

休息中

今日同同事去咗中环开会，一放工就走咗去翻新咗嘅中环街市趁下热闹，因为人太多所以行咗个圈就走去附近揾食，见到间舖叫九头鸟米线，个名咁搞笑就入去试吓！可能我哋早，所以冇咩人，两个人可以舒舒服服坐卡位同事叫咗碗过桥米线，加一蚊叫咗个湖南酸辣汤底鱼肉春卷加鸡肉配红薯粉，加一蚊叫咗个四川麻辣10小辣汤底阿姐送碗过桥米线上枱𠮶阵，我真系忍唔住「哗」咗一声，好大碗米线，份量好足，同事食完都话好饱。我碗红薯粉份量都唔少，鱼肉春卷都有三条。之前食中环间谭仔，好似冇咁多𩠌。价钱同谭仔差唔多，哩间汤底都唔错，不过四川麻辣10小辣真系一D都唔辣，下次都系叫返5小辣。