囍囍車仔麵 (已結業)

今日渣车去食，点知唔好彩去到几个差人叔叔企系度搅到唔泊得车，逼于无耐唯有急急脚叫外卖再叫佢送出黎俾我啦，点左最紧要叻沙汤底同米粉之后就叫士头婆帮我拣Ｄ撚手菜就冲返上车等，几分钟后外卖送到，加上差人叔叔系咁叫我走之下唯有返公司先食喇。返到公司，碗汤冻左少少反而仲好食，连埋Ｄ米粉大啖大啖咁食入感觉好正，粉肠、牛肚真系好正，但估唔到连猪润都咁正，事关我平时都唔食猪润既，嫌佢地好粉好难入口，今次赶时间之下误打误撞试到呢档车仔面既猪润，感觉真系唔同晒，切得又薄又爽口，令我呢个反猪润人士都爱上左。