天府人家

营业中

休息中

本身约咗朋友去天府人家食辣野，但无啦啦生左几粒飞滋，唯有焗住食唔辣，第一次去四川餐厅食唔辣嘅嘢食，估唔到都仲有咁多选择。今日大约六点左右到达餐厅，座位都几宽阔，坐得几舒服，私隐度都几高。一坐低店员即刻俾咗消毒纸巾同埋一张纸巾我地放置口罩，好贴心。今日唔食得辣，店员亦都好贴心咁介绍咗几款唔辣嘅小菜俾我哋，一于试下。首先有两碟小食，过下口瘾先九香鸡蛋干 $48从来冇食过鸡蛋干，系素食，口感好特别，弹牙一食就停唔到口，配埋韭菜，仲香。有少少少少辣，好香口又好过瘾。铁板生爆和牛展 $148香气四溢，而且份量好多。牛展好重牛味，肉质绝对唔会淋，入口爽口，嚟到热辣辣，必点。葱爆羊肉 $138竟然冇骚味，好多羊肉，啲洋葱劲入味超好食。白饭一碗唔该荷塘豆腐 $128好有惊喜，同朋友两个人清晒。首先啲豆腐滑过豆腐花，配左鱼虾冬菇蟹柳，有碗仔翅嘅感觉红油水饺 $58店员特别帮我安排小小小小小辣，食得出系自己包嘅水饺，辣果后劲好强，好爽。最后仲有绿豆沙食，饱到不要不要整体好有惊喜，冇谂过四川菜唔辣嘅嘢食都咁好味，下次好返要食嚟呢间食辣。