臥龍正宗成都麻辣火鍋 (已結業)

从未食过主打麻辣既火锅店，自问爱火锅爱辣的我实在十分惭愧，原因系揾到班陪你食辣既人并唔系容易。呢度环境服务质素都好好，可以放心。汤底:因有人食唔太辣叫左鸳鸯，本来都有啲失望，因为唔系全麻辣。但原来只系中间一个圆圈仔系清汤，亦因为有左佢，先可以休息一下唔洗成口都辣。橙色既麻雀系辣椒膏，佢其实系油，平时食到一半会无辣味，唔知系咪因为佢，由头辣到落尾。牛牛，价值$288，白色𠮶啲系肥肥，记得食埋佢，因为麻辣肥肥好爽口的。仲有好多好食无影相，因为挂住食。留意!!!必食推介一尺长鹅肠、猪润(啱啱好熟就无得输)、鱼皮、向铃、冰豆腐、苕粉(即系薯粉应该)。仲有，千祈唔好空肚食咁辣，最好饮杯奶先食。我一定会再食。