李家 (海壩街)

营业中

休息中

同朋友行完商场，嚟福来邨呢带觅食，李家炸鸡听过好多次，今次难得附近揾到一间，决定入去试下。炸鸡可选有骨或者无骨。我地好懒，所以拣无骨嘅，个蜂蜜大蒜炸鸡好好食，就咁睇已经好脆，食落炸粉比其他韩国餐厅厚啲，但出奇地可以非常酥脆，反而觉得呢个更加好食，更加正宗。肉质够嫩又Juicy。热辣辣即炸真系好正，咬开啲鸡肉劲嫩滑。而且呢个蜂蜜大蒜口味实在巨巨巨好味。食完蜂蜜大蒜炸鸡，就用水冷面过一过冷河。水冷面虽然比起炸鸡冇咁邪恶满足，但系食落同样非常好味，同埋有种平衡返心理嘅效果。冷面烟烟韧韧，有咬口，而且佢嘅冷冷面汁食落冰凉，加少少韩国醋有种解腻嘅感觉，亦都可以试下加黄芥末少少嘅香辣，令味道提升。个人觉得仲好食过好多旅行期间系韩国当地食到过嘅水冷面。之后就试埋大葱炸鸡，口感同味道同样非常丰富。葱汁食落较惹味，食落无蜂蜜大蒜咁甜，少少咸香味，好特别。炸鸡放左阵仍然好酥脆，实在忍唔住一嚿驳一嚿咁食。一路听住k-pop，一路食美食，心情实在太美好，满满嘅炸鸡篮，份量真系好多，不过真系忍唔住系咁食😋。