盔匠

营业中

休息中

㖊日（9-9-2024 Mon）喺公司食完晏，要出去买云耳，经过想试好耐嘅呢间，由于我已食咗饭，冇可能买烧饼食，但忍唔住想饮$44.00嘅开心果牛油果乳酪奶昔，咁我买杯请女同事SL饮啦，问佢要唔要$20.00嘅鸭屎柠檬茶，佢答好，但要少冰。买完等佢哋即刻整，睇住个男仔手摇𠮶杯柠茶，然后女店主就拎杯开心果牛油果乳酪奶昔俾我，佢眼见我拎两杯嘢，问我要唔要孖袋？我答要，佢就帮我入。拎到返公司，未影好相，SL就拎咗佢𠮶杯，所以我只好影自己𠮶杯，睇见有开心果碎同牛油果粒，饮落，乳酪嘅味酸提醒咗我呢杯系乳酪奶昔，开心果碎脆，饮到淡淡地嘅牛油果味，而佢嘅质地都够杰身。鸭屎柠檬茶呢？我问SL觉得点？佢答好香好味，而且好大杯，相对抵饮。