影片
更多
2012-10-19
1522 浏览
大前日(16-10-2012 Tue)晚,全家人去医院探大哥,谂住走o既时候可以一齐食晚饭,点知大嫂o既妹妹话同佢食饭庆祝大嫂生日;二哥架车又泊都唔就脚,如果同我o地食完又要行返去攞车,爸爸就叫佢唔好同我o地食.所以最后都分成三批人,爸爸,我同男友就o黎呢o度食啦.由于爸爸之前o系医院肚饿,佢就食o左啲人买畀大哥o既面包;而男友o系等我o黎o既时候,都食o左碗细勇;我就因为都食o左啲杏仁而唔太饿.睇睇menu,盐焗鸡一只都要$300.00,好贵呀!睇睇吓有6人套餐,再揾,睇到有个$398.00o既3-5人套餐,有半只盐焗鸡, 梅菜扣肉, 客家酿豆腐, 清蒸鲩鱼同胡椒白果猪肚汤.爸爸又另叫三个白饭.落o左单,男侍应问我o地要唔要菜,因为个餐冇菜.爸爸竟然问有咩o野菜?然后要个蒜蓉炒菜心.边食得晒呀?5. 胡椒白果猪肚汤白雪雪,好重白果味,胡椒o既辣系o系喉咙,但又唔系好辣,感觉好正,猪肚够腍,冇腥臭.味道: 5分2. 梅菜扣肉梅菜唔系好香,扣肉肥o既部份都唔多,不过啲肉唔腍,冇入口即融o既感觉,味道亦唔够浓.冇谂到醉琼楼会做得咁差.味道: 1.5分1.半只盐焗鸡味道食得出唔系盐水鸡,够味
所以最后都分成三批人,爸爸,我同男友就o黎呢o度食啦.由于爸爸之前o系医院肚饿,佢就食o左啲人买畀大哥o既面包;而男友o系等我o黎o既时候,都食o左碗细勇;我就因为都食o左啲杏仁而唔太饿.
睇睇menu,盐焗鸡一只都要$300.00,好贵呀!睇睇吓有6人套餐,再揾,睇到有个$398.00o既3-5人套餐,有半只盐焗鸡, 梅菜扣肉, 客家酿豆腐, 清蒸鲩鱼同胡椒白果猪肚汤.爸爸又另叫三个白饭.落o左单,男侍应问我o地要唔要菜,因为个餐冇菜.爸爸竟然问有咩o野菜?然后要个蒜蓉炒菜心.边食得晒呀?
5. 胡椒白果猪肚汤
白雪雪,好重白果味,胡椒o既辣系o系喉咙,但又唔系好辣,感觉好正,猪肚够腍,冇腥臭.味道: 5分
2. 梅菜扣肉
梅菜唔系好香,扣肉肥o既部份都唔多,不过啲肉唔腍,冇入口即融o既感觉,
味道亦唔够浓.冇谂到醉琼楼会做得咁差.味道: 1.5分
1.半只盐焗鸡
味道食得出唔系盐水鸡,够味,但可惜好似煮耐o左,啲肉又实又o鞋.味道: 4分
6. 另加o既蒜蓉炒菜心
一睇就知道油,菜心系大大棵o个只,谂住会有渣,但又唔系,又甜又嫩,唔错.味道: 5分
3.客家酿豆腐
豆腐大大件,馅就好少,呢个普通冇问题.味道: 3分
4.清蒸鲩鱼
大大条,算蒸得o岩o岩好,爸爸赞好食.味道: 3分
最后到白饭,白饭有啲粗糙,好彩水份都叫做够,未至于太硬.
味道: 2.5分
7. 送o既甜品
好似有绿豆,麦米咁,味道唔甜,都系普通.
味道: 2.5分我o地食剩两碗饭,梅菜扣肉, 客家酿豆腐同清蒸鲩鱼,有吉饭盒o系身o既的,就装起佢翌日带返公司食,而梅菜扣肉同两件客家酿豆腐就拎返屋企.
环境:
保留52年o既装潢冇问题,不过冷气好似唔多够.
呢餐埋单连茶芥加一共$539.00,好贵.
题外话/补充资料：
7,80年代醉琼楼遍地开花,但逐渐萎缩,o衣o家剩返o既质素又麻麻,真系惊醉琼楼呢三个字o系香港完全消失.
(以上食记乃用户个人意见 , 并不代表OpenRice之观点。)
张贴
