翟道翟 Tuk Tuk (已結業)

唔想成日都去九龙城食泰国嘢所以今日去呢间试吓，环境同招呼都算系ok 嘅，但一间食肆始终要整好啲食物先至紧要。首先嚟个金柚鲜虾沙律，味道一般，几旧柚子肉同三只细过一蚊嘅虾，又冇其他蔬菜水果香叶或配料，收八十几我觉得唔扺。点咗烧鸡，同烧猪肋骨，两样都偏甜，我觉得只鸡其实系焗嘅，所以唔会有烧烤味，但系佢啲外皮又唔香，还好鸡肉仍juicy 有味。个猪肋骨佢话佢系炭烤但小弟一啲都唔觉！叫咗一个虾酱肉碎炒饭，同一个原个菠萝鸡肉炒饭, 两个炒饭都炒得好湿，其实唔可以讲得上系一个炒字，虾酱肉碎真系揾唔到肉碎，我怀疑可能系纳米肉碎。菠萝炒饭，啲菠萝系新鲜又香嘅，但系个饭本身好差，啲饭又湿又淋，啲鸡肉又冇味又干，其他配料如肉松、腊肠、提子又少！呢个菠萝炒饭系我廿年来遇上嘅最差嘅一个菠萝炒饭。呢间嘢整体上所有𩠌菜都有一种偷工减料嘅感觉。整体上唔会反感，但系一定唔会再去。