影片
更多
2018-02-21
75 浏览
大家系咪都系年初五就要开工呢???肥妹仔我就因为要清年假所以初八先开工!!!!乡下邻家小妹初五六想出香港行下, 肥妹仔我当然要一尽地主之谊带佢食下好西啦.....喺九龙塘接完邻家小妹已经一点几lu....肥妹仔我个肚已经饿到扁晒, 好!!!因为邻家小妹想去睇下波鞋, 肥妹仔我决定带佢去九龙湾Mega Box度睇下,皆因肥妹仔我唔想逼, Mega Box闲日都几好行~~去到Mega Box已经一点半, 见到茶木门口无人排队,再加上邻家小妹喺大陆好小机会食下台湾茶, 一于唔好谂就食茶木啦~~~红烧牛肉面 $77邻家小妹对海鲜敏感, 所以我地就选了最招牌既红烧牛肉面. 个汤底望落去一D都唔马虎, 颜色深浓, 汤面只有小小油脂浮面, 颇为诱人~肥妹仔我饮啖汤, 不愧系招牌菜式, 味道几香浓, 食到一阵牛肉味, 药材味就无咩, 可能因为咁, 所以饮落去无咩苦涩味. 而且个汤底只有小小油脂, 饮落去都几清爽, 赞!!!!到旧牛肉啦, 每一碗都有三大旧红烧牛肉. 老老实实, 肥妹仔我就觉得麻麻地啦.....因为旧牛肉既肉质都真系几鞋口, 遇到旧有筋既仲难咬, 味道比起个汤真系逊色好多!!!!到个面啦
去到Mega Box已经一点半, 见到茶木门口无人排队,再加上邻家小妹喺大陆好小机会食下台湾茶, 一于唔好谂就食茶木啦~~~
红烧牛肉面 $77邻家小妹对海鲜敏感, 所以我地就选了最招牌既红烧牛肉面. 个汤底望落去一D都唔马虎, 颜色深浓, 汤面只有小小油脂浮面, 颇为诱人~肥妹仔我饮啖汤, 不愧系招牌菜式, 味道几香浓, 食到一阵牛肉味, 药材味就无咩, 可能因为咁, 所以饮落去无咩苦涩味. 而且个汤底只有小小油脂, 饮落去都几清爽, 赞!!!!到旧牛肉啦, 每一碗都有三大旧红烧牛肉. 老老实实, 肥妹仔我就觉得麻麻地啦.....因为旧牛肉既肉质都真系几鞋口, 遇到旧有筋既仲难咬, 味道比起个汤真系逊色好多!!!!到个面啦, 宽条面黎,面质烟韧, 但系挂汤能力就麻麻地, 一定要汤连面先好食!!!!
香料鸡肉蝴蝶粉 $79其实每次肥妹仔我去茶木都会叫汤面黎食. 不过今次既然已经叫咗个牛肉面, 不如就试下一个意粉啦~~叫菜既时候个waiter已经告知要等大约20分钟, 无问题!!!个意粉一上枱, 卖相都不错喔~~~个sauce应该系蕃茄忌廉汁, 食落去微酸微甜, 而且粉粉蝴蝶粉都挂满sauce, 好食!!!!!个鸡肉外皮煎到香脆, 肉质几嫩滑, 没有过多既调味, 不错~~~
芝心鸡翼 $62肥妹仔我食饭钟意多款式, 所以叫多碟芝心鸡翼黎食!鸡翼应该系完只炸, 外皮香脆可口, 但可惜内面既芝心唔够, 最主要都系食鸡翼既腌料味, 如果个芝心fillings可以多D就好食好多啦!!!!!
草莓香草蜜糖砖块 $79黎到茶木, 唔系唔食呢个 signature 既甜品呀?! 唔需多介绍啦.....草莓雪糕下面是一粒粒焗得香脆可口同涂上蜜糖既多士粒.....将蜜糖多士粒沾上草莓雪糕同草莓酱黎食, OMG!!!!!TASTE LIKE HEAVEN!!!!!
肥妹仔我觉得间间茶木既质数都不一, 有D好食, 有D就麻麻地好食!!!而Mega Box呢间既茶木肥妹仔我都几满意, 可以再黎食!!!!
张贴
