一寿司 (已結業)

今日去咗旺角，行到六点本来想同朋友上雅兰饮杯野，但大家见到一寿司，见到杂志成日吹棒有几劲、有几抵、有几多人排队，不过排队人龙限于晚上10:00后的半价时段，大家见原价价钱都可以接受，又唔驶等位㖞，于是入去试一试！入到去，环境最吸引当然系个大鱼缸，其实我好钟意望住鱼缸嚟食，会食得好开心，可惜安排唔到！我哋坐嘅系bar台，椅子好大，好舒服，比一般连锁寿司店台子坐得舒服！店员服务亦都不错，密密为客人添茶！我哋2人食咁唔系太多碟，每碟嘅寿司饭比一般寿司店为细嘅，这点我反而欣赏，因为嚿饭太大的话，几碟就好快饱肚，鱼生都系一般啦，唔系话好鲜味，不过不失咁，炸物卷都唔错，炸物唔会系冻冰冰。最后大家点了两杯饮品，本来见佢唔平，成30-40蚊一杯，不过卖相(餐牌)好吸引，所以我点了一杯芒果特饮(有酒精)，朋友点了一杯热情(冇酒精)，好好味，不过就略甜，朋友果杯好快饮完，反而自己果杯有酒精关系，饮到一半我已红晒脸，所以要投降了！今餐消费：8碟寿司+两杯饮品=$230