euro go go

营业中

休息中

今日出街出得有D无谓，因为我记错左仔仔重要上日文堂，所以约左中午前去做暖宫按摩。约完先记得仔仔唔驶上日文，结果系我自己一早出门口先，再约仔仔出街食个Lunch，如果净系去做暖宫按摩，我会觉得浪费左时间同车钱呢。就系咁约左仔仔系朗豪坊行下，其实成日都想去试果个大阪烧，但要自己整，真系睇几多次佢门口果个示范都系冇信心做得到。结果又沿途行番落楼，最后拣左去Euro Gogo度食，原因系行过见到佢唔驶等位呢。牛脷意粉加荔枝茶，牛脷几淋几好味，荔枝茶就有少少唔够味，而且果几粒荔枝酸到爆丫卡邦尼意粉，完全冇味，得白色既汁咁，仔劲落芝士粉去食，系每食一啖就加芝士粉咁食啰。食物真系好一般，不过唔驶等位，算系咁啦，唔驶等位的话，都系一个唔错既平价之选黎既。