影片
更多
2009-08-17
16 浏览
带住两只小魔怪行街游乐超攰,老公怕我辛苦,就提议去奥海城食寿司!见到熟识既名字,心谂未必系佢,我老公排队等位食寿司,我就去八卦吓!卖既食物款式都一样真系抄到咁足?!呢个时候,我见到两个熟识既面孔,北角札幌拉面既师傅!真系佢地呀!见仲有位,即刻话俾老公知,一家4口去食拉面,是也!地方比北角大好多,就算我有BB车都唔怕阻到人,我地叫左一个2人餐(两碗拉面+3个小食)同炸鸡定食,小食拣左烧卖,冻蕃茄同南瓜薯饼,烧卖同薯饼都系自家制作,两大块薯饼冻左个皮仲系脆!唔会好似其他假日本食店求其买D雪藏野整热就算!我既葱拉面同叫俾亚仔既蟹肉拉面依旧有水准!老公既炸鸡定食,炸鸡亦外脆肉嫩!待应靓姐同师傅见到我地都好开心,佢地O系北角一直系家庭式经营,冇谂到新铺会见到D熟客,师傅仲专登出黎同我地打招呼!黎紧想揾个舒适地方食拉面唔驶再过海啦!
老公怕我辛苦,就提议去奥海城食寿司!
见到熟识既名字[札幌],心谂未必系佢,
我老公排队等位食寿司,我就去八卦吓!
卖既食物款式都一样真系抄到咁足?!
呢个时候,我见到两个熟识既面孔,
北角札幌拉面既师傅!真系佢地呀!
见仲有位,即刻话俾老公知,一家4口去食拉面,是也!
地方比北角大好多,就算我有BB车都唔怕阻到人,
我地叫左一个2人餐(两碗拉面+3个小食)同炸鸡定食,
小食拣左烧卖,冻蕃茄同南瓜薯饼,
烧卖同薯饼都系自家制作,两大块薯饼冻左个皮仲系脆!
唔会好似其他假日本食店求其买D雪藏野整热就算!
我既葱拉面同叫俾亚仔既蟹肉拉面依旧有水准!
老公既炸鸡定食,炸鸡亦外脆肉嫩!
待应靓姐同师傅见到我地都好开心,
佢地O系北角一直系家庭式经营,
冇谂到新铺会见到D熟客,师傅仲专登出黎同我地打招呼!
黎紧想揾个舒适地方食拉面唔驶再过海啦!
张贴