鼎泰酸菜魚

营业中

休息中

系湾仔番工附近，新开左一间酸菜鱼，当然要走去试下新野啦。12点去到，2位即刻入得，不过已经开始有人等紧。走既时候12:45，都好多人等紧，不过d人多数叫外卖。黎得食就紧系要叫佢最招牌既酸菜鱼啦，听到差唔多枱枱人都会叫酸菜鱼，套餐有一个𩠌+一个白饭/菜饭/上海面/担担面…，野饮另外加钱。叫左酸菜鱼菜饭同埋排骨担担面，再加左小黄瓜同蒜泥白肉。酸菜鱼一般，最招牌既菜式都唔好食，好油就大部分酸菜鱼都系咁嫁喇，所以预左，而个鱼系唔酸唔辣唔鲜唔麻，麻都有少少既，但酸味系零，食D酸菜都系零酸味。鱼肉比较多骨，D骨非常幼。同埋得好少鱼，下面成碗芽菜，附上埋食晒d鱼之后既相，全部鱼夹埋有十块左右啦。反而个菜饭就OK，系油饭再加菜。排骨担担面，担担面份量比较少，面条唔系好多，担担面唔算浓，亦比较稀。排骨以为佢系炸，原来系湿湿地咁样，有D似大X乐个D，不过大X乐仲好食，呢度既排骨用左姜蓉蒸，奇奇怪怪的，有少少似食紧蒸鱼，不过份量都算多，亦唔系话好难食的。青瓜冇乜味蒜泥白肉都冇乜味，肉比较干同硬，亦唔辣总结冇乜野食系好食，份量唔算多，食完都唔系好饱，价钱亦唔算平。