影片
更多
2019-03-01
1336 浏览
彩云轩，其实都系度饮过好多次茶；不过我今日先发觉，我一直冇写过食评。可能因为饮茶D野都上得慢，一碟碟影又好麻烦，想等多几碟先影相；但多数下一轮未到，枱上果1,2碟就即时清晒。因为唔系好影到相，所以我一直冇写食评？？不过今日都系冇影相架，但因为我想讲，我打左好多间酒楼想订枱，全部一系冇得订，一系一早Full晒；Full晒的，重话连Walkin都冇位啦，要等，而且限时个半钟。唉～饮茶当然系想慢慢叹架啦，冇计，最后都系要去番彩云轩。不过彩云轩订左枱都唔系一到即有枱比你，都系要等，只系因为订左位，所以一有枱就比你先咁解，好过冇啰。点心纸，款式都唔算少，重有D奇奇怪怪既点心。间野D野都OK好食既，不过服务就真系好一般啦。落Order要叫九万几次，斟水又系要叫几次，有人回应都冇用，因为应完又唔知去左边，系要叫到个人直接行过黎加水先有用。不过真系冇计，劲多人，得依间可以订枱。其他果D服务都系咁上下，人多嘛；侍应又少，所以D野好食就算啦。十个人，Total九百几近千。平均成一百蚊一个人，真系唔算平；而且重有多唔个愿食野既小朋友，实际即系9个人食野；所以又再贵D。差D唔记得，重有一样真系要讲，劲差的，就
不过今日都系冇影相架，但因为我想讲，我打左好多间酒楼想订枱，全部一系冇得订，一系一早Full晒；Full晒的，重话连Walkin都冇位啦，要等，而且限时个半钟。唉～饮茶当然系想慢慢叹架啦，冇计，最后都系要去番彩云轩。不过彩云轩订左枱都唔系一到即有枱比你，都系要等，只系因为订左位，所以一有枱就比你先咁解，好过冇啰。
点心纸，款式都唔算少，重有D奇奇怪怪既点心。间野D野都OK好食既，不过服务就真系好一般啦。落Order要叫九万几次，斟水又系要叫几次，有人回应都冇用，因为应完又唔知去左边，系要叫到个人直接行过黎加水先有用。不过真系冇计，劲多人，得依间可以订枱。其他果D服务都系咁上下，人多嘛；侍应又少，所以D野好食就算啦。
十个人，Total九百几近千。平均成一百蚊一个人，真系唔算平；而且重有多唔个愿食野既小朋友，实际即系9个人食野；所以又再贵D。
差D唔记得，重有一样真系要讲，劲差的，就系泊车问题啦。其实上次已经中招，佢话要入落车场前禁张纸仔，佢地先比到泊车。好今次记得啦，要禁纸仔，但系，真系要＄％︿＆＊（啰；根本禁唔出纸仔。跟住埋单时再问，佢地重要答系丫，成日都禁唔到架，禁唔到去客服度拎张泊车纸啰，跟住再返上酒楼及印仔，之后再去番客服度做Free parking。我真系。。。为左个parking要走几多次？最后就系Side气，直接啪八达通走人，都癈事烦佢个Free parking。20几蚊一个钟，饮茶2小时都系40几；为左40几要等几转Lift行大半个商场，唔值得。真系好想讲，酒楼同商场既泊车安排真系差到极点，亦唔明点解讲事实，Openrice都唔比刊登，要人改，好我改字眼，改左啦，重登唔登得丫？咁大间酒楼同商场，话就话有Free Parking，但要个客行九万几次上上落落先可以Free到的，唔系不知所谓既安排系乜？
张贴
