The Vigor (金巴利中心)

营业中

休息中

夜晚经过尖沙咀，一个人好肚饿又谂唔到食乜，见到呢间餐厅唔使等位就入咗去啦。餐厅要行大约10级楼梯先到，入到去系一间类似快餐格局嘅餐厅，选择都几多，中式西式都有，今次就试咗个铁板餐。罗宋汤、餐包罗宋汤蔬菜就好足，但系不落去就一嚿肉都冇，似系杂菜汤多过罗宋汤。面包就正正常常冇咩特别。纽西兰肉眼扒配洋葱圈薯菜呢个餐收八$5会期待佢个肉比普通港式西餐厅嘅质素高，但系食物质素冇分别。尤其系个洋葱圈同薯菜，用叉一拮起就烂晒，完全系淋到放唔到入口，平时好少食净野都顶唔顺。肉眼扒质素就同普通港式餐厅嘅差唔多，唔值呢个价。唯一可取嘅系Staff都几有礼貌，同埋临走佢都有送张coupon 同俾咗9折，不过讲真如果食物质素唔OK嘅话其实比几多优惠都冇用，希望舖头可以改善吓。