後宮 (已結業)

今日去咗一间隐世火锅店，装修好特别，有包厢，可以唱卡拉OK，听住歌食中式晚饭，几特别，好relax，好适合一大班人聚会，或者庆祝节日。今日食鸳鸯火锅，汤底拣咗皮蛋芫荽同埋秘制沙嗲汤。开了拣咗「特级封门牛柳片」、「美国特级梅花猪肉片」、「三黄鸡」半只、「美国桶蚝」一份、「鲜虾云吞」一份、「唐生菜」一份。上菜前，伙计会拎一个酱料过嚟，放喺你枱面, 系你自己选择酱料，混入碟中。配料有：芫荽、葱、炸蒜头粒、生蒜蓉粒、辣椒、辣椒酱。两款汤底都好浓味，好足料，皮蛋芫荽汤底入边有好多芫荽、皮蛋；沙嗲汤入边好多花生粒、仲有猪皮。配料方面，封门牛柳切得好薄片，喺汤入面几秒就熟，好重牛味，好新鲜，好香滑，琳琳地。梅花猪都系一样，好香滑，琳琳地。三黄鸡半只已经好大碟，份量十足，好新鲜，喺汤入面煮耐左，鸡脾同鸡肉都依然好香滑。美国蚝又系好大碟，好抵食，好新鲜，咬落去充满鲜味，十分推介。鲜虾云吞，调味淡淡，入边虾肉好大、好新鲜，用料上乘，皮薄馅靓，好好味。整体，食物好丰富，食材好多选择，仲有好多食物想试，下次要再嚟帮衬。