麗嘉酒店咖啡閣 (已結業)

因工作关系系度食午餐,感觉唔系特别高质素...听过人讲呢度既海南鸡饭好味,点左一客,嗯...个盘真系好骨子,系特别为呢个饭而造,set晒位放饭放鸡放汤放调味,十分精致,个饭颜色怪怪地,唔系白唔系黄,系比较深色,但系又未去到啡,唔知点形容...食落都唔错,有点味道,但系唔会好油,至于鸡,都算多肉而滑,仲有两条菜添,不过唔可以话系超水准或者特别好食,叫做中上啦!另外点左个厨师沙律,有好多吞拿鱼,而且系加左芝麻既,所以好鬼番好鬼惹味,好食!仲有好多好味既料,包括鹌鹑蛋,车厘茄,银鱼柳,同埋薯仔,银鱼柳唔好味,薯仔偏淡,其他都ok!个dressing酸酸地,几开胃!每桌都有一碟包,共五个,食左个麦既,真系好普通,同嘉顿困的差唔多,反而我钟意个牛油,同出面果的有点分别,比较soft,感觉无咁heavy,都几好!老板点左个韩国石头锅饭,有一只煎蛋系面,个样好似好好味咁,仲有好多调味同配菜系侧边,闻到好香,应该唔会差卦!