梁山泊 (已結業)

今朝突然要做信差, 而且仲系近中午时份出差, 无理由唔蛇一蛇去食返个舒服d既午餐, 约定朋友系timesquare楼下, 点知突然行雷闪电落大雨, 近近地就上食通天揾食.最后选择左我同朋友都未试过既梁山泊, 成间店舖的装修都好特别, 有d似古装高级客栈咁, 真系有d古装大侠feel. 其实周围环境好黑, 不过每张台都有一栈射灯照住, 几特别下.睇左一轮餐牌都无咩idea, 简单咁叫左一个二人商务套餐, 其中选择左:1.金银菜南北杏生鱼汤: 似乎唔够老火同唔够生鱼味, 比较清淡左dd.2.三款冷盘: 几精致咁用三片生菜载住, 其中有熏小鱼, 辣椒肚丝, 凉拌海哲. 自己最欣赏熏小鱼, 几香甜好味, 凉拌海哲就太清, 无咩味, 辣椒肚丝就似乎只有辣味.3.主菜两款: 蕃茄骨, 蕃茄汁好香甜有d似我屋企煮咁既style, 排骨好入味松软, 几讨好! 回锅鱼片, 辣左小小, 不过鱼片几香口好味~ 两款主菜都唔错, 只系细左小小, 每碟只有4件.4.三鲜蒸饺, 似小笼包多d, 而且唔多鲜味, 只属一般.另送果汁一杯, 都算几认真~ 服务十分有礼貌~