龍景軒

营业中

休息中

嚟呢度好多次，第一☝️次食商务午餐，饱到不得了。先嚟一杯有气茶，有3种茶沟埋，几夹唔错丫👌。之后嚟两件饺子，饺子皮好黏口，肉饺香，素饺清新。再嚟一碟茄子，有两粒喺下面，而一片茄子用粉浆炸到成个飞碟咁，仲要脆卜卜，同天妇罗一样呀。今日老火汤系合桃眉豆花生鸡脚汤，饮完唔会口渴，真材实料冇得顶。菠萝叉烧包食过好多次，水准依然劲烧味拼盘、鸡有酒、油、鸡味，鸡皮仲要有啲啫喱。叉烧好香蜜糖味，猪味又够香，系差少少🤏有㶶边就正。海蜇头够爽弹。呢个牛面肉，一碟3大件，友人话饱比多两件我🤦🏼‍♂️。牛煮到好腍，牛味又够重，真系冇牙都品尝得到。个炒饭一嚟到，香气扑鼻，饭炒得够干身，榄菜、瑶柱、带子都系切粒，饭同材料比例啱晒，一羹一啖唔会食完饭啲料都未吞到。罗汉果茶，味道好回甘，清一清口腔等食甜品。鲜淮山紫米露一放低打开，又系香到几饱都要食埋，再加埋迷你莎翁同桂花糕，饮多两啖靓普洱就埋单。每一次嚟到，服务员都好专业，照顾周到，系订位比较难，同埋要食肠粉，就星期六、日、假期先好嚟，平日冇得食架👌。