影片
更多
2021-11-14
2660 浏览
地址－和三昧铜锣湾轩尼诗道555号东角中心22楼有日有班好耐冇见的朋友想约我去铜记食饭，话想食一点高级少少的日式料理，所以就去左呢间食，真系高级少少咁大把咩 =.=?? 咁岩铁板前的位置有位比我地坐，咁当然唔会放过呢个欣赏的机会啦，而我地拣左个商务套餐，一点完就上左个沙律前菜，佢呢度D菜都几新鲜爽脆，都几甜，加埋适量的芝麻酱，令人想食多一碗呢！💋银鳕鱼，大虾，烧和牛粒，师傅系我地面前煎虾同银鳕鱼，整完就随即分配系我地只小碟上，过程爽快又唔会有多余的动作，好似一场表演咁，令人目不暇给！首先讲下银鳕鱼先，佢食落冇咩雪味，肉质结实，唔会一夹就晒，食得出有淡淡的鱼味，几好，大虾方面佢连埋头都比埋我地食，个头里面都几多膏下，好正，虾肉都爽滑弹牙，和牛粒就系师傅睇住我地食紧虾的同时就开始处理，佢只系落左D盐去调味，配埋炸蒜片一齐食，牛肉味更突出，正！而佢都另上一块铁板烘多士，块多士仲印埋和三昧的LOGO，劲有心思，配埋和牛粒一齐食，D牛油比块多士索左好多油，好正！💋铁板炒饭及炒杂菜，系我地食紧肉的时间，师傅又开始炒饭，佢直头好似表演咁，视觉享受满分，佢个炒饭系用之前剩落的和牛油黎炒，做到粒粒分明，
铜锣湾轩尼诗道555号东角中心22楼
有日有班好耐冇见的朋友想约我去铜记食饭，话想食一点高级少少的日式料理，所以就去左呢间食，真系高级少少咁大把咩 =.=?? 咁岩铁板前的位置有位比我地坐，咁当然唔会放过呢个欣赏的机会啦，而我地拣左个商务套餐，一点完就上左个沙律前菜，佢呢度D菜都几新鲜爽脆，都几甜，加埋适量的芝麻酱，令人想食多一碗呢！
💋银鳕鱼，大虾，烧和牛粒，师傅系我地面前煎虾同银鳕鱼，整完就随即分配系我地只小碟上，过程爽快又唔会有多余的动作，好似一场表演咁，令人目不暇给！首先讲下银鳕鱼先，佢食落冇咩雪味，肉质结实，唔会一夹就晒，食得出有淡淡的鱼味，几好，大虾方面佢连埋头都比埋我地食，个头里面都几多膏下，好正，虾肉都爽滑弹牙，和牛粒就系师傅睇住我地食紧虾的同时就开始处理，佢只系落左D盐去调味，配埋炸蒜片一齐食，牛肉味更突出，正！而佢都另上一块铁板烘多士，块多士仲印埋和三昧的LOGO，劲有心思，配埋和牛粒一齐食，D牛油比块多士索左好多油，好正！
💋铁板炒饭及炒杂菜，系我地食紧肉的时间，师傅又开始炒饭，佢直头好似表演咁，视觉享受满分，佢个炒饭系用之前剩落的和牛油黎炒，做到粒粒分明，虽然只系一个普通的蛋炒饭，但可能加埋视觉呢一部份，令到个炒饭味道提升不少！唔会话过咸，劲正，佢个杂菜方面，其中一个朋友表示唔钟意食芽菜，话佢有种草青味，初初都话唔要，但系我地的”强权”之下，只好屈服，浅尝少少咁，但佢都话佢呢个做法令到草青味消失得无影无踪，最后可以一人食晒成份的杂菜，比个叻佢！
💋雪糕及咖啡，系满足完充满视觉及味觉的享受后，随即奉上雪糕及饮品，我就拣左芝麻味雪糕及冻咖啡，佢雪糕方面好重芝麻味，又有少少奶香，唔错，咖啡饮落几润滑，带有少少酸味，有一种香醇的口感，几好，佢贴心之处系糖水同奶分开奉上，可以根据心情自行调教，唔错。
张贴
