Nara Thai Cuisine (新城市廣場一期)

营业中

休息中

每次经过新城市都会望下呢间餐厅🍽~因为个样子好新派,完全唔似食泰国菜~而且每次都劲多人,搞到我都心思思想试下💗~自从第一次饮过泰式椰子鸡汤🐔,就觉得酸酸辣辣好正,仲好味过冬荫功!呢度嘅椰子鸡汤椰味好浓🥥,不过就偏甜~可能因为我点咗少辣,所以酸辣味争一啲~唔怕辣嘅朋友可以试返正常version🌶呢个沙律一食落口唔太辣🥗,但隔一阵后劲就来了!如果食无乜汁嘅粉丝还可以,有汁嘅真系几辣🔥🔥🔥~但作为前菜,真系几醒胃,而且啲虾又大只又爽口🦐。个咸鱼好香口🐟,而且系实肉一大粒哥种~如果叫多碗饭🍚,我一定会清咗佢!佢嘅芥兰唔太腍🥬,加埋咸鱼味好咸香~食泰式嘢一定要叫菠萝炒饭,新鲜菠萝上台劲满劲澎湃🍍~最钟意佢有香酥肉松同埋提子干🍇,仲有好多炸脆腰果添!呢杯斑兰龙眼蜜斑兰味唔太出,比较多龙眼干嘅香味,再加埋粒粒龙眼肉都唔错🍹~区内无乜泰国嘢食,而且味道好又多选择,难怪会咁爆满嘅~