URBAN Café Commune (形點 I) (已結業)

落雨天无乜地方好去，留系商场食下tea，同朋友黎左Urban，两点九入到黎唔多人㖞，原来三点钟先有下午茶食。坐左阵谂下食咩，觉得意粉唔多吸引，都系等下午茶嘅轻食，朋友话想食甜品，三心两意唔知要窝夫好定蛋糕好，最后叫哂两样，哈哈。牛油果日晒蕃茄干碎蛋沙律贝果三文治自己叫左呢份餐，讲卖相真系一般，但意外地用牛油生菜做沙律，呢只菜香港少见有惊喜㖞，爽脆甜嘅沙律菜，正～牛油果同蛋沙律调味得唔错，连埋贝果包食几好味。布里芝士烟火腿牛角三文治朋友叫左呢样，同样用牛油生菜做沙律，牛角包烘得松脆，火腿咸香，仲有片芝味浓嘅芝士，好食。莓夫！杂莓牛角窝夫又系牛角包呀～今次压做窝夫样又系另一种口感，劲多忌廉好正，仲有球香甜嘅雪糕。Cookie Monster蛋糕朋友拣嘅曲奇口味蛋糕，卖相吸引，味道个人觉得偏甜，无朱古力味亦唔觉有曲奇味，有点失望呢。榛子咖啡&薄荷朱古力坐低吹水点可以唔饮野，朋友话佢杯啡好香，但唔饮唔出榛子味。自己杯朱古力都好饮，朱味甚浓。平日下午茶唔多人，慢慢食倾下偈真系唔错。