小火焰韓式咖啡廳 (金山樓) (已結業)

大围呢十几年起左唔少新楼，但系近大围东铁站附近又还未有兴建大型商场，所以附近既街道就开满食肆，中西日韩，总会揾到你想食的。今次去嘅呢间小火焰韩式咖啡厅，入面又真系比一般韩食餐厅多好多甜品，有好几种既雪花冰，可惜今次因为太饱无试到。讲返今日食嘅个两样主食，第一款系香芒炸鸡沙律，呢个沙律好啱想食炸鸡但又唔想太饱，同埋芒果同炸鸡系好好既配搭，芒果既酸甜混合炸鸡嘅辣，将味道带上另一层次。另一个主食系牛肉石锅饭，呢一款系我钟意嘅韩食之一，因为热辣辣嘅石锅饭混合韩式辣酱，即时开胃。虽然无食到甜品，但都叫咗杯蜂蜜红枣茶。下次再嚟就想试吓水冷面，但系呢间餐厅嘅份量都几多，最好一班朋友一齐嚟，先可以试多几样。