篤篤船麵 (V Walk)

营业中

休息中

原来除咗九龙城之外，深水埗呢度都有一间感觉地道嘅泰式船面。入面装修有晒泰国嘅特色，壁画同摆设，价钱相当经济实惠。要咗个杂锦船面转金边粉，汤底够晒浓郁，入面有齐猪肉丸，牛丸猪红，炸猪皮等等，配料丰富大大碗。食泰国嘢点少得要试佢啲咖喱，要咗个青咖喱鸡配蒜蓉包，呢两款简直系完美组合，蒜蓉包充满牛油蒜香，沾上咖喱汁惹味无穷。青咖喱唔算辣，所以食唔到辣嘅人都啱食。再加左啲泰式鱼饼做小食，最后再要左芒果糯米饭，呢度糯米饭比较特别有埋青色嘅斑斓味，再加普通嘅椰汁芒果够鲜甜。饮品要咗个青柠梳打，够晒清新解渴，消暑一流。整体价钱唔算贵，但食到正宗泰国嘢。