砂煲兄弟 (東港城) (已結業)

以前想食煲仔饭，必定谂起庙街或者旧式大排档，仲要多数冬天先有得食，今日行街发现有间睇个名就知道系食煲仔饭嘅舖头，爱生事家庭又走入去试试，睇餐牌煲仔饭种类唔算多但都几特别，而且仲有其他小菜可拣，落单等咗一阵就有得食，梅菜肉饼煲仔饭先嚟，可能未收水，饭有D腍，煲仔饭应该要食干身呢，但肉饼好味嘅，；黄鳝煲仔饭就可能我地等咗一阵，所以饭够干身，煲底有饭焦添，如果黄鳝可多几旧就仲正，讲笑啫!竹笙杞子浸时蔬，份量够而好味道，总括嚟讲呢度系唔错嘅，不过有加一就觉得贵咗DD，下次试吓其他食物先