大尚宮

营业中

休息中

今次又去香港工业中心 @ccmall.lck嘅美食广场，食肉嘅选择当然更多。日韩、西餐、越南，任君选择。今次试下食韩国菜嘅#大尚宫，同食西餐嘅 Food Court环境 睇下上面餐牌先 大骨汤 $68同正宗韩国餐厅一样，汤会另外配一碗白饭，所以餐牌系归入主食类。面头有只靓靓嘅青辣椒，开头都担心佢太辣，原来佢真系装饰。汤底有芝麻，仲好似有少少药材味，鲜冬菇、金菇呢啲配菜都好入味，底下主角猪骨煲得几腍，但又滑过一般煲汤猪骨好多。如果觉得唔够𩠌食，其实里面都有腩肉，等人一次过食到两款猪肉，唔怪得羚羚姐话呢个好食，要叫啦！ 净石头锅饭 $48韩式辣酱加太阳蛋，配白饭捞下已经好正。 呢个石头饭配料有紫菜、鲜冬菇、菠菜、翠玉瓜，将蛋同呢啲配菜捞饭，捞到均匀，系一个乐趣。食到最底，原来呢个饭有猪肉，感觉更丰富。 全份香烤鸡全翼 $38 三只本质上佢系炸鸡翼，皮脆肉嫩，非常Juicy。烤嘅元素，就系香甜嘅蜜糖同芝麻，带出应有风味。