咖啡灣 (粉嶺中心) (已結業)

系粉岭接朋友放工，行左阵商场都唔知食咩好，经过见到有间cafe野食望落都唔错就入去试下。望住个menu睇左好耐先决定到食咩，因为佢实在太多款式，有意粉饭汉堡甜品咩都有，全部都好想试纠结左十分钟终于拣左两款意粉，分别系软壳蟹黑松露意粉同埋明太子酱意粉。软壳蟹意粉黎左先，一上菜都闻到几想黑松露味，蟹既size唔算好大亦都唔细，咬落去都几香，不过如果再脆d会更好，但都几特别好少系其他地方可以食到，意粉质地偏硬身唔错。后上既明太子酱意粉味道亦都唔错，酱汁好够食落去唔会干争争，甜甜地既酱好惹味，上面仲有好多木鱼片好好食。呢度店员亦都好好服务，会不断主动帮你斟水，不过可能同朋友坐得比较耐再加上店座位有限，想再坐耐d倾计都唔太得。两个人食左差唔多一百蚊，西餐黎讲价钱都差唔多，野食都唔错，大家黎粉岭都可以试下。