轉角‧見

营业中

休息中

五一劳动节假期，下昼约左友人。见有时间，谂住一个人系荃湾揾食，咁样友人黎到就时间啱啱好。因为唔太肚饿既关系，想揾间cafe慢慢食慢慢坐，chill下。开Openrice见到荃昌中心都有几间呢一类既餐厅，所以去左碰碰运气。唔知系咪因为公众假期既关系，周围都系人，就算一个人想揾位都好难。几经辛苦终于比我揾到呢一间餐厅，啱啱好有一张二人枱，所以唔驶等就已经可以入座。除咗餐厅里面同埋商场走廊有位，室外亦都有位坐。型男汉堡：大大个，好足料！牛肉唔易散开、烟肉亦都煮得啱啱好，唔会太硬同干、而蛋亦都唔会煮得太熟，中间有少少流心。红菜头嘅味道同个汉堡包亦都好夹！虽然个汉堡包好大，但系亦都好容易食，唔会食到好哩啡！薯条太干，冇乜薯仔味。青柠特饮同平时嘅青柠梳打冇乜分别，反而比较少青柠味。以一个人黎讲，份量都几多，汉堡包同薯条都有食净。整体而言可以一试，但系以呢个地方同环境黎讲价钱偏贵。