薀莎餐廳 (已結業)

Item: 薀莎餐廳
Rating: 2
Author: 陈真

Windsor Restaurant

2.5

44 食记

味道

环境

服务

卫生

抵食

马鞍山

$51-100

西式西餐厅

陈真

等级4

165

年三十, 中午同斋妹系坚企闷闷地, 就决定出黎行行街. 行完街4点钟, 刚好是下午茶时间. 但天气冻, 没有心情离开商场, 系街揾野食. 咁就冇计, 就要被连锁店洗礼. 然而, 斋妹就建议来呢间椰林阁升呢版既温莎. 地方环境系好过椰林阁既, 不过成个feel, 就是扒王格局. 入到去, 安排了我们坐卡位. 起码都舒服一点. 我们到来, 主要是下午茶餐有素食既选择. 斋妹选了一客芝士野菌焗意粉. 而我就要了一个烧牛柳意粉配蓄茄汁. 我们落了order, 本来都冇理到佢, 我们一味等, 边倾计, 边等. 后来发现比我们迟来的台客既野食比我们先到, 才开始叫一叫侍应, 催一催. 果然好服务, 即催即到. 向好的一方面谂, 就是要等焗意焗好才一齐出. 但他们应该等到个焗意粉整好才开始整我的意粉. 味道, 我的牛柳, 虽然唔韧, 但味道始终是太浓, 而且, 可能真的是如我所说, 整好等焗意, 搞到的碟野只是微暖. 唔够热既食物, 始终令人感觉不安. 而且味道太浓. 说是有蒜香, 蒜当然是有, 说过味道太浓, 就是蒜味太重.焗野菌意粉, 热辣辣出黎当然比较好食, 而且芝士味几够, 闻落味道亦好香.

年三十, 中午同斋妹系坚企闷闷地, 就决定出黎行行街. 行完街4点钟, 刚好是下午茶时间. 但天气冻, 没有心情离开商场, 系街揾野食. 咁就冇计, 就要被连锁店洗礼. 然而, 斋妹就建议来呢间椰林阁升呢版既温莎.

地方环境系好过椰林阁既, 不过成个feel, 就是扒王格局. 入到去, 安排了我们坐卡位. 起码都舒服一点.

我们到来, 主要是下午茶餐有素食既选择. 斋妹选了一客芝士野菌焗意粉. 而我就要了一个烧牛柳意粉配蓄茄汁.

我们落了order, 本来都冇理到佢, 我们一味等, 边倾计, 边等. 后来发现比我们迟来的台客既野食比我们先到, 才开始叫一叫侍应, 催一催. 果然好服务, 即催即到. 向好的一方面谂, 就是要等焗意焗好才一齐出. 但他们应该等到个焗意粉整好才开始整我的意粉.

味道, 我的牛柳, 虽然唔韧, 但味道始终是太浓, 而且, 可能真的是如我所说, 整好等焗意, 搞到的碟野只是微暖. 唔够热既食物, 始终令人感觉不安. 而且味道太浓. 说是有蒜香, 蒜当然是有, 说过味道太浓, 就是蒜味太重.

焗野菌意粉, 热辣辣出黎当然比较好食, 而且芝士味几够, 闻落味道亦好香. 而味道, 夹有芝士的一PART, 当然香口好味. 但没有芝士的, 就比较淡味, 而野菌就直情冇味, 成个焗意粉, 就只有芝士有味. 后来捞匀来食, 效果好好多.

温莎, 说是椰林阁升呢绝对没错, 但服务态度同食物味道, 始终都系未够班. 不过系大型既新市镇市中心商场食野, 冇计, 点都要帮衬呢d连锁店, 而且有不少都系呢d冇水准既食店.......

商场铺租咁贵, 唔好食, 人流不多.......佢地唔怕蚀本既咩........