幸福川226

营业中

休息中

朋友介绍发现原来有一间好抵食嘅社企餐厅系牛头角🌞上到去发现原来系一个工商业大厦入面仲系教会，佢哋推动长者事工关怀长者身心灵，价钱抵员工又好礼貌🌸听佢哋讲原来好多附近返工嘅人都会去𠮶度食lunch或者聚会，而且佢哋餐厅嘅加一都系用嚟做善事捐俾泰北天恩难童中心做日常开支🌟可以食饭同时可以做善事真系值得支持✨💫浓厚牛魔王汤饭set入面劲多料，有牛筋、牛肚、肥牛、牛丸、牛柏叶仲有啲芽菜做配料。另外汤底系无味精8小时熬制，真系饮晒都唔觉得口渴，而且系好清嘅牛味唔会油腻。所有set都有油菜、前菜、甜品、水果同饮品，份量又大真系好抵。⭐️泰式卤水猪肘饭set除咗平时套餐会跟嘅食物之外，仲有椰子清鸡汤清淡得来会饮到鸡味。卤水口感偏甜但系同猪肘好夹。我加咗两蚊要冷泡花茶非常解渴。