Flames (海灣街)

营业中

休息中

平日讲起鲗鱼涌，多数会谂起好多商业大厦，但系比较少会谂起食嘢嘅地方。其实佢都收收埋埋都好多嘢食㗎，今次就去咗鲗鱼涌嘅 Flame 食晚餐。餐厅都唔系咁容易揾，因为系后巷嘅位置。最近都食得好多肉，所以一开始就叫咗个西兰花苹果杏仁片沙律share做前菜。沙律都食唔少，但系比较少食有西兰花做嘅，配合埋杏仁片，咬落去非常之有口感。主菜方面叫咗个鸡肉卡邦尼意粉，因为多咗鸡肉嘅关系，感觉比平日嘅卡邦尼意粉材料丰富，白汁嘅份量适中唔会太漏。虽然最近成日食扒，但系忍唔住再叫咗个10安士肉眼扒配薯条，肉眼扒份量都几大，牛味够重，薯条都揸得非常之香口。饮品方面我哋一人叫咗一杯Prosecco同埋Kozel啤酒，Kozel啤酒系捷克啤酒，佢哋serve非常之大杯，而且麦味好重，朋友饮到好满足。