FRITES Belgium on Tap (海濱匯)

营业中

休息中

今日用咗apps book枱，餐牌上所有嘅食物都有半价， 所以就谂住去试下呢间连锁餐厅。 我哋叫咗个佢出名嘅青口锅、牛扒同埋是日推介嘅龙虾risotto。 佢嘅青口锅有半份同埋一份，我地三个人就叫咗半份黎食，但个份量都好大。 青口锅有得拣唔同嘅酱汁，我哋拣咗西西里汁，食落有啲酸辣蕃茄嘅味道， 都几开胃。 一个青口锅大约有十几只青口，佢附送一旧面包，旧面包用嚟最后点佢啲酱汁好好食。 另外叫咗个牛扒， 牛扒煎得好香，同埋有牛油味，加上佢伴碟嘅薯条，炸得好脆同埋热辣辣！ 最后系是日精选龙虾risotto， 佢放咗原只龙虾落碟， 除咗risotto，仲可以食埋龙虾头同啲钳既肉， risotto入面有好浓嘅龙虾汁同埋有啲虾肉， 分量都算大， 值得推介！