香港華商銀行公會

营业中

休息中

中环写字楼大厦内其实有唔少商会或会馆餐馆，不过大多只招待会员。好似今次一有机会就必定掹衫尾尝味。餐馆位于五楼商业大厦，踏出电梯即见商会会员银行列表几巴闭咁。坐低环顾四周食客多数品尝家常小菜。第一份上台嘅系松茸螺头炖水鸭汤，汤水清澈，水鸭加鸡脚炖煮，鲜甜香味唔在讲，连油都唔多先至好嘢，入口后味蕾更加感受到滴滴都系精华，松茸、螺头、水鸭等汤料都仲可以食得出鲜味，新鲜食材可见一班。 接著下个菜鲜百合夜香花炒莲藕片，莲藕片片超爽口清甜，加入鲜百合与夜香花完全系清新健康嘅选择。食完清淡食浓味狮城虾球，无壳虾球大大嚿又啖啖肉，虾肉鲜味亦无被香辣开胃嘅酱汁盖过，刺激嘅酱料助煎米饼食用绝对比白饭更加美味合适。最后咖哩牛筋腩煲，牛筋淋腩肉嫩咖哩香唔太辣，钟意刺激但系又唔食得太辣就啱晒。虽然是次晚饭人少少，只可以食三𩠌一汤，不过几碟都食出选料新鲜，食过几碟后完全明理解左右食客都点家常菜就系为品尝呢度嘅新鲜食材。期待下次咁嘅部机会快啲出现。