町町丼丼 (濱海大廈)

营业中

休息中

星期日嘅鲗鱼涌完全系另一个面貌，好多食肆都休息。我好彩喺外卖App见到「町町丼丼」有开，今晚晚餐有著落噜☺️。小店系一间外卖店🥡，装修简约，而佢做到最重要嘅一点就系快捷，外卖包装亦都稳阵企理。食物定价相宜，主食平均五十蚊有交易，喺商业区内实属难得。寿喜烧牛肉锅($52)，🍲寿喜烧汤几惹味，比起其他餐厅嘅咸，不过同时带少少甜。汤锅好足料，有肥牛🥩、腐皮、鱼板、洋葱同海带等。整体质素不比日式料理店逊色。乌冬(+$4)，寿喜烧本身配饭，但我转咗乌冬🍜，感觉更搭调。乌冬用兜装住，唔会浸淋。大盛双层鳗鱼丼($79)，🐟双层鳗鱼夹埋有成条，自己喺超市买都唔平。鳗鱼肉质唔松散，无乜碎骨。鳗鱼汁捞饭食一流，饭系用上珍珠米，有口感🍚。玉子如果多啲就正喇。黑椒鸭胸配柚子醋($38)，🐣鸭胸肉质几嫩，大大啖肉，啱晒食肉兽。鸭胸附上黑椒调味，另外仲有柚子醋汁沾嚟食🍊，微微酸，好醒神。唐扬炸鸡配黑椒蛋黄酱($38)，🍗炸鸡有成六件，炸皮唔系好脆𠮶种，再加埋黑椒蛋黄酱，成个感觉有啲似麦乐鸡，都唔错。总括嚟讲，食外卖都可以好缤纷，如果想食日式嘢🍱，不妨考虑町町丼丼。食物质素唔差，份量又多，系性价比之选👍。