美味佳 (已結業)

一直都好想试下美味佳！因为好多时晚上经过都见到室内爆到街上都要加台！仲要有好多人排队等位！又见到食评唔错宜且价钱经济！咁啱今晚成9点几又经过美味佳，见冇乜人排队，心谂今次有机会试到！行到埋去，同姐姐报人数！姐姐问坐街有冇所谓！咁当然ok啦！因为当晚天气清凉，坐街仲唔使挨油烟味添！跟手姐姐问要等45分钟先有得食！既然一场黎到就等下啦！睇下张点餐纸！都几多选择！而且真系好经济！唔怪得咁多人食啦！见到咁，就呢样又叫下𠮶样又试下！烧烤要等成45分钟又见有D冻，先整碗车仔面暖下胃先！慢慢d野食开始进场鸡翼我个人觉得烧得好香同仲好Juicy. 另一样我觉得都唔错就系茄子，因为烧得时间够，茄子已淋哂！基本上所有野都不过不失！唯一就系调味就比较划一！可能大陆串烧既通病！都系辣粉加孜然粉！不过佢地有另一个调味问题，就系加左蜜糖！唔系咁夹！车仔面就真系麻麻地！下次可以唔叫！好啦！到最尾先知道出事…因为真系点左好多野食！当然唔会浪费食物啦…食唔哂要打包走人埋单$350…因为实在叫左大多野！如果正常估计应该120-130都好够！抵食就真系好抵！不过就自己衡量有冇耐性等咁耐…