影片
更多
2010-03-29
19 浏览
起身著个半行街Look，如常落楼揾翻间食个晏。自己入去揾个二人位自己座，隔离系个杯碟柜。落单落个银芽蛋白两味黄（原来系炒面，碟面嚟到先知）半只贵妃鸡跟鱼汤米线、一笼烧卖咁啦。𠮶位写单阿姐（红袍，操不纯正口音），同我讲个两味黄$68㖞，有无问题呀？咁我好礼貌地同佢讲，你下次唔好咁样问人地啦，人地以为你觉得佢食唔起。再继续拎住张餐纸，指埋比佢睇落个贵妃鸡同埋笼烧卖啦，佢就写白咭。五六分钟到碟鸡，味道OK，食咗三分一到觉得唔对路，个鱼汤米线呢？求其扬手叫人，有个部长级（男性，著黑衫，都系操不纯正口音）埋嚟瞭解，问翻我边个同你落单呀？我听到O咗咀（阿部长你觉得我会记住边个同我落单吗？）！之后揾到个落单阿姐，喺我面前两个一男一女部长（亦都系操不纯正口音嘅）、一个员工扰攘之下，部长同位阿姐讲落单要点样写呀咁咁。个两味黄同笼烧卖之后到，可惜两味黄（其实即系肉丝炒面个面底）炒到一旧旧唔多脆，个筷子基本上分唔得开两份，怀疑炸唔透。烧卖都可以。环境：座得个杯碟柜隔离，啲阿姐个成日摆杯摆碟、叠高拎走，个柜门就成日开开合合，砰砰声。埋单：两味黄$68，贵妃鸡半只$60（本来跟鱼汤米汤𠮶份只系$48），烧卖$1
自己入去揾个二人位自己座，隔离系个杯碟柜。
落单落个银芽蛋白两味黄（原来系炒面，碟面嚟到先知）半只贵妃鸡跟鱼汤米线、一笼烧卖咁啦。
𠮶位写单阿姐（红袍，操不纯正口音），同我讲个两味黄$68㖞，有无问题呀？
咁我好礼貌地同佢讲，你下次唔好咁样问人地啦，人地以为你觉得佢食唔起。
再继续拎住张餐纸，指埋比佢睇落个贵妃鸡同埋笼烧卖啦，佢就写白咭。
五六分钟到碟鸡，味道OK，食咗三分一到觉得唔对路，个鱼汤米线呢？
求其扬手叫人，有个部长级（男性，著黑衫，都系操不纯正口音）埋嚟瞭解，问翻我边个同你落单呀？我听到O咗咀（阿部长你觉得我会记住边个同我落单吗？）！
之后揾到个落单阿姐，喺我面前两个一男一女部长（亦都系操不纯正口音嘅）、一个员工扰攘之下，部长同位阿姐讲落单要点样写呀咁咁。
个两味黄同笼烧卖之后到，可惜两味黄（其实即系肉丝炒面个面底）炒到一旧旧唔多脆，个筷子基本上分唔得开两份，怀疑炸唔透。烧卖都可以。
环境：座得个杯碟柜隔离，啲阿姐个成日摆杯摆碟、叠高拎走，个柜门就成日开开合合，砰砰声。
埋单：两味黄$68，贵妃鸡半只$60（本来跟鱼汤米汤𠮶份只系$48），烧卖$15，加一盛惠$164。
睇怕下次饮茶都系座车去大围客香邨好了。
张贴