Bilibala Yakitori Bar

营业中

休息中

其实周末想好好同三五知己众会的确好难揾地方，不过系铜锣湾呢头就有好介绍。地方唔算偏，位置唔算隐蔽，不过环境够静，清幽。 F1 出口，步行十分钟左右，转入一条直路后两边既街都有几间食店。其中一间就系 Bilibala。车水马龙的街道，黑黑既天空下，Bilibala既字形灯特别光。店舖唔系好大，附近静静地咁，好岩两三个人聚聚，坐底倾返三个钟头计都唔成问题。门口用左深色，有点儿工业风既design，入面既灯昏昏黄黄，带点诱惑的暧昧。相对好多BAR，呢度都算相当精致优雅骨子。只可惜椅子既靠背位有点儿唔舒服，不过好彩坐落够软。连门口出面既风扇都用左哑黑色。有情调。入去随便坐底。开放既卡位，可以望到对面街。逆著光，也许可以旁若无人地谈个情…店员都好热情。坐底就即刻上野。先黎既系三个唔同颜色唔同味道既汁。中间果款梅子特别正。开胃头盘系黑松露冷日本番茄同芥末鱼旦。鱼旦好有鱼味，个人比较喜欢唔点芥末。日本讲究既细致，呢块鱼旦完全咁表达左出黎。食完之后我胃都全开啦，立马点杯酒，咩酒唔系重点。重点系酒粒冰！系一粒波黎，好特别，鬼鬼地咁，令成杯酒格调提升。佢地既酒酒味都浓，叫左杯青柠味既，柠味好淡，酒味好重。