鑽石餐廳 (已結業)

这间餐厅在旺角好像已经有一段日子,一直没有提起兴趣帮衬,因为在这条街内的食店濑嘢次数太多!晚上到相熟舖头配眼镜,又行过这里门口于是唔信邪试一试!七点正坐下点菜,三分钟后餐汤已经摆喺台面:杂菜汤----一碗只有酸味的菜水,咐送一件用蒸笼装住嘅暖蒜蓉包.....多谢晒!杂菌牛柳粒天使面----餐汤饮到一半已经出现!速度仲快过大家乐!牛柳大概有七粒不过有四粒咬唔开,天使面的汁是甜的!而且面身亦煮得过淋及多油.再多谢!七味炸酿蟹盖----袖珍可爱!大小好像宠物蟹仔,少量蟹肉加面粉炸完再洒七味粉上面!唔好睇小得小小蟹肉,腥味都几浓郁,再三多谢!烧去骨春鸡(黑椒汁)----喺我食完碟天使面就隆重登场喇!切了友人的鸡一小片来试....鸡肉质地无问题,不过鸡肉系无调味嘅!黑椒汁外表系黑椒汁不过味道只得一个字----咸!餐饮无问题因为饮冻柠水.这个"西"餐于七点三十五分完成!有西餐厅外表,快餐店的速度,令人惊异的出品!真系一次过满足三个愿望!