影片
更多
2021-05-13
3285 浏览
香港地少人多，要揾有大落地玻璃窗既餐厅同Cafe实在唔多，一来楼底唔高，二来窗景唔靓，而今次呢间系大楼入面既美式餐厅 R&B Research Bakery，除咗出名有绿树景加落地玻璃之外，佢哋嘅黑松露薯条都好出名。R&B的R系指Research，B系指Bakery，店名意思系不断钻研同创新菜式。R&B 其实系隶属香港饮食集团 GREEN APPLE RESTAURANT LIMITED GROUP既餐厅，同之前系香港掀起热潮既平价田园风餐馆 Applegreen 系同一集团。两间都系主打美式料理，Applegreen 价格就平啲，环境悠闲啲，而 R&B 卖点系新鲜焗制面包、自家手工制作薯条同茄汁。汉堡、炸薯条、意粉唔少得，当中最出名就系佢个黑松露薯条、烟肉忌廉蛋汁意粉、炭烧双层黑安格斯牛肉芝士汉堡同埋佢哋餐厅独一无二既芝士烧粟米 (Elote)。餐厅其实唔算难book，如果系星期五只要唔系即日book，早一两日都应该book到，就算book唔到其实walkin都有可能，唔系完全reserved哂啲位比booking，试过两次walkin都系等十分钟就坐得，店员会叫你系附近行下，有位再
香港地少人多，要揾有大落地玻璃窗既餐厅同Cafe实在唔多，一来楼底唔高，二来窗景唔靓，而今次呢间系大楼入面既美式餐厅 R&B Research Bakery，除咗出名有绿树景加落地玻璃之外，佢哋嘅黑松露薯条都好出名。
R&B的R系指Research，B系指Bakery，店名意思系不断钻研同创新菜式。R&B 其实系隶属香港饮食集团 GREEN APPLE RESTAURANT LIMITED GROUP既餐厅，同之前系香港掀起热潮既平价田园风餐馆 Applegreen 系同一集团。两间都系主打美式料理，Applegreen 价格就平啲，环境悠闲啲，而 R&B 卖点系新鲜焗制面包、自家手工制作薯条同茄汁。汉堡、炸薯条、意粉唔少得，当中最出名就系佢个黑松露薯条、烟肉忌廉蛋汁意粉、炭烧双层黑安格斯牛肉芝士汉堡同埋佢哋餐厅独一无二既芝士烧粟米 (Elote)。
餐厅其实唔算难book，如果系星期五只要唔系即日book，早一两日都应该book到，就算book唔到其实walkin都有可能，唔系完全reserved哂啲位比booking，试过两次walkin都系等十分钟就坐得，店员会叫你系附近行下，有位再打电话叫你返黎。
餐厅行工业风，加上以木为主嘅简约设计，落地玻璃附近有四张圆枱嘅位置，阳光系树叶隙同格仔窗渗入，如果想坐到影靓相，可以打电话预约𠮶时特别要求，边坐可以边望窗边街景。
-
1️⃣ 蒜香松露薯条(幼身) 💰98（👅: 9.5/10）
蒜香松露薯条(幼身)
$98
76 浏览
1 赞好
0 留言
虽然佢系$98，但份量非常大，一个人一定食唔晒，起码要两个人share。
薯条有分幼身同粗身，问店员推介边种佢就推介幼身，食完之后觉得佢冇推介错。薯条食落好香脆，但唔会炸得好干身，蒜味同芝士味食到好香口，好食到食唔停口，但又唔会太多油太腻。
薯条上面有一个好似芝士酱，其实系田园沙律酱，不过食落唔算重平时食到既沙律酱味，有小小奶味带小小酸味，似酸忌廉，我自己觉得唔点都得。
而薯条上面会洒左一啲黑松露碎，食落黑松露味都唔算浓郁，始终黑松露碎只会提供到一啲香味多过味道，蒜味，如果佢唔系提供黑松露酱，松露味就唔太足够，话佢系黑松露薯条咁佢既黑松露一定唔系我食过最好食，但单论薯条佢可以话系食过最好食，一直回味，所以呢碟薯条改名做蒜香薯条就更加贴切。
另外薯条会提供茄汁同松露酱，如果食到腻加酱可以消一消济感，松露酱同我食过最好食既LOST STAR有距离，LOST STAR会食到个酱入面既馅料，呢间就普通既松露酱。
-
2️⃣⃣ 墨西哥芝士烧粟米 💰68（👅: 8/10）
墨西哥芝士烧粟米
$68
54 浏览
1 赞好
0 留言
呢个系店舖热门菜式之一，Elote系一种墨西哥知名街头小食既烧粟米，普偏既烧粟米都系用酱油膏、蚝油同砂糖做底，之后就按个人喜好加沙茶酱、甜辣酱、芝麻酱等酱料。而Elote系先将成只粟米直接放系烤网上烤熟，之后会涂上一层加了莱姆汁既墨西哥酸奶酱，可以令之后落既配料同调味料都可以依附住粟米上，加莱姆汁就令佢食起黎更清爽，最后就加上芝士碎。
墨西哥芝士烧粟米
$68
57 浏览
1 赞好
0 留言
呢度既Elote会原条粟米烧好咁上，店员教要垂直条粟米咁切，即系好似刨粟米粒咁，粟米食落好香牛油味，而且上面铺咗好多芝士碎，粟米加上半溶嘅芝士，食落味道好浓郁香口，味道有少少清甜，可以随心加青柠，略嫌粟米偏硬。
-
3️⃣ 烟肉忌廉蛋汁意粉 💰168（👅: 8.5/10）
烟肉忌廉蛋汁意粉
$168
56 浏览
1 赞好
0 留言
睇个英文叫做Carbonara Pie，未食过仲以为系一个pie，其实系Carbonara，不过煮完之后当佢系一个批咁焗，蛋同忌廉焗后有小小Pie既形状，意粉食落好香口，软硬适中，食落算烟韧，而且几挂汁，蛋汁够creamy，不过偏稠身同浓味啲，但焗完唔会觉得特别脆，不过份量就依然好大份，如果系女仔两个人都有机会食唔晒。
配料都好足料，有好多烟肉，不过两个人食会食到最后有啲腻口，如果再多啲人SHARE会更好。
-
4️⃣ 炭烧双层黑安格斯牛肉芝士汉堡 💰168（👅: 7.5/10）
炭烧双层黑安格斯牛肉芝士汉堡
$168
53 浏览
3 赞好
0 留言
汉堡太大要切开先食到，有见过人哋𠮶啲系切咗，但我呢个就冇。
面包有烘过所以食落有少少脆口，入面就系松软。牛肉有两块，几厚，食落都Juicy同食到牛肉味。芝士有一块系普通芝士、一块系芝士脆片，芝士脆片食落有口感，而且好重芝士味。
加上芝士同埋其他配料
另外除咗汉堡仲有薯角，薯角正常，系扭纹厚身，食落热辣辣，够脆而且份量好多，但因为黑松露个幼身薯条太好食，呢个粗身薯角就会比下去，同埋份量太多食落会好济。
呢个餐无论汉堡大细定系薯角份量好多，一个人食如果唔系好大食会食唔晒。
-
🌟环境来讲夜晚就正常，日头就会有玻璃窗位可以影相，因为有日光渗入来所以好易影到靓相。
食物水平我觉得系中上，尤其系薯条系会令我再嚟嘅原因，如果系松露薯条咁佢松露味就唔算出色，但薯条绝对系我食过最好食嘅其中一个。整体嘢食个价钱都偏贵，但份量都系比较多，我觉得几适合一大班人share，如果唔系大食主食叫人头数已经好够。
呢间会系我尖沙咀谂唔到食咩时会谂到嘅其中一个选择，如果系日头就更加适合，因为佢有提供all day breakfast ，坐喺窗口位、食个brunch，同朋友倾下偈都系唔错嘅选择。
-
👅味道: 9/10
🍴环境: 7.5/10
💰消费: $502 (服务费: 10%)
张贴
