La Mensa Grill & Bar (Oasis Place)

营业中

休息中

屯马～开通～真的很兴奋 系呀真系好兴奋，所以今个星期六专登plan左个启德宋皇台食团，无理由山长水远净系走去个站度影相既je ? 第一站黎到呢间 La Mensa Grill &Bar 因为有个frd系住呢头，佢话呢间啲野都几有水准～因为睇啲set 无咩心水，咁我地就决定单点～📍新西兰白酒煮青口&海蚬海蚬同青口都好鲜味，再加埋白酒生蒜辣椒等等煮，劲香口惹味！仲有仲有块蒜蓉包好脆好鬼正！📍La Mensa House Pizza成日觉得一定要叫餐厅既招牌嘅pizza，佢材料好丰富呀，有香肠，意大利辣肉肠，火腿，洋葱，辣椒，烟肉同埋菠萝。佢哋嘅饼皮厚薄适中，食落有口感，唔会话比啲酱汁整到淋哂。📍安格斯肉眼扒14安士份量好大，两个女仔都够食，牛扒肉汁丰富，配菜分别有自家制嘅粗薯条，即叫即炸，热辣辣脆卜卜，仲有清新嘅田园沙律～～我哋呢次叫左两杯mocktail 📍Virgin Colada椰奶同菠萝作为饮品嘅主调，非常有热带嘅风情📍Fruit Punch 果味浓郁，清新清爽，最啱依家炎炎夏日饮。